Jee Hi Jee Mein

Jee Hi Jee Mein Woh Jal Rahi Hogi...
Chaandani Mein Tehal Rahi Hogi..

Chaand Ney Taan Lee Hai Chadar E Abar..
Ab Woh Kapray Badal Rahi Hogi..

Surkh Aur Sabaz Wadiyon Ki Taraf..
Woh Meray Saath Chal Rahi Hogi..

Charhatay Charhatay Kisi Pahaari Per..
Ab Woh Karvat Badal Rahi Hogi..

Pairh Ki Chaal Se Raggar Kha Ker..
Woh Tanni Se Phissal Rahi Hogi..

Ho Kay Khuwab E Aish Sey Bedaar..
Kitni Hi Dair Shall Rahi Hogi..

Kaun Sood O Ziyaan Ki Dunia Mein

Kaun Sood O Ziyaan Ki Dunia Mein

Dard E Ghurbat Ka Saath Deita Hai

Jab Muqabil Hoon Ishq Aur Daulat

Husan Daulat Ka Saath Daita Hai

Hai Faslein Utha Raha Mujh Mein

Janay Yeh Kaun Aa Raha Hai Mujh Mein

Jaun Mujhko Jala Watan Kar Key

Woh Mere Bin Bhala Raha Mujh Mein

Mujh Sey Us Sey Rehi Talaash-E-Umeed

Sau Bohot Din Chupa Raha Mujh Mein

Tha Qeemat, Sakoot Ka Ashoub

Hasher Sa Ik Bapa Raha Mujh Mein

Pas Perdah Koi Na Tha Phir Bhi

Ek Pardah Khincha Raha Mujh Mein

Mujh Mein Aa K Gira Tha Ik Zakhmi

Janey Kab Tak Parra Raha Mujh Mein

Chand Asha'ar (Hazrat Jaun Elia)

yun to apne qasidaan e dil k paas
janay kis kis k liye pegham hain
jo likhey jatay rahay auron k naam
meray woh khat bhi tumhare naam hain


yeh tere khat, teri khushbu, ye tere khawab o khayal
mata e jaan hain tere qaul aur qasam ki tarah
guzashta saal inhain maine gin k rakha tha
kisi gharib ki jori huwi raqam ki tarah


kitney zalim hain, jo ye kehtey hain
tour lo phool, koi choray matt
baaghbaan hum to is khayal k hain
dekh lo phool, phool touro matt


hai muhabbat hayat ki lazzat
warna kuch lazzat e hayat nahin
kya ijaazat hai, ik baat kahoon
woh, magar khair, koi baat nahin


kisi libas ki khushbu jab urr k aati hai
tere badan ki judai bohot satati hai
tere ghulab tarastey hain teri khushbu ko
teri safaid chambeli tujhe bulati hai
tere baghair mujhe chain kaisay parta hai
mere baghair tujhe neend kaisay aati hai

Kis Se Izhar E Mudda Kijiye (Jaun Elia)

Kis se izhaar e muddaa kijiye
aap milte nahin hain, kiya kijiye
aap the jis k  chaaragar, woh jahan
sakht bimaar hai, dua kijiye
mujh ko aadat hai rooth janay ki
aap mujh ko manaa liya kijiye
milte rahiye issi tapaak k saath
bewafaai ki inteha kijiye
ek hi fun to hum ney seekha hai
jis sey miliye, usay khafa kijiye

Fariha Nigarina (very popular nazam)

Fariha Nigarina
tum ney mujh ko likha hai
Mere khat jala dijiye
Mujh ko fikr rehti hai
aap inhain ganwa dijiye
Aap ka koi saathi dekh ley to kiya hoga?
dekhiye mein kehti hun Yeh bohat bura hoga
Mein bhi kuch kahun tum se
Fariha Nigarina
Ay Ba'nazuki meena
itr bey naseena
rashk'e sar be seena
Mein tumharay har khat ko LOH'E DIl samajhta hun
LOH'e Dil Jala dun kia?
Jo bhi satr hai in ki
Kehkasha' hai rishton ki
Kehkasha'n luta dun kia?
Hai sawaad'e beenai inka jo bhi nukta hai
Mein usay gunwa dun kia?
jo bhi harf hai inka
naqsh'e jaa'n hai jaanana
naqsh'e jaa'n mita dun kia??
LOh'e dil jala dun kia?
kahkasha'n luta dun kia?
Naqsh'e jaa'n mita dun kia??

Mujh ko likh k khat janum
apnay dehaan mein shayd
khuwaab khuwaab jazbon k
khuwaab khuwaab lamhon mein
younhi bey khayalana jurm kar gai ho tum
aur khayal aany par US Se dar gai ho tum
JURM k tassawur mein gar yeh KHAT likhay TUM NEY
phir to meri raaiy mein JURM hi kiye tum ney
jurm! kiun kiye jayein?
jurm! kiun kiye jayein?
khat hi kiun likhey jayein...!

Chand Asha'ar

kuch Asha'ar Hazrat Jaun Elia ki Shayiri mein sey...



koi taaluq he na rahay, jab k sabab bhi baaqi ho
kiya main ab bhi zinda hoon, kiya tum ab bhi baaqi ho



ajab tha uski dildaari ka andaaz
woh barsoon baad jab mujhse mila hai
bhala main poochta us sey to kaisay
mata-e-jaan tumhara naam kiya hai



halat e haal k sabab, halat e haal bhi gayi
shoq mein kuch nahin giya, shoq ki zindagi bhi gayi

Qata'at (4 line poetry)

kuch qata'at paish e nazar hain Hazrat Jaun Elia ki Shayiri mein sey

Be-Dili Kiya Yunhi Din Guzar Jayeinge

Sirf Zinda Rahe Hum To Marr Jayeinge

Kitney Dilkash Ho Tum, Kitna Dil-Joo Hoon Main

Kiya Sitam Hai k Hum Log Marr Jayenge

Meri Aqal-0-Hosh Ki Sab Haalatein

Tum Ne Sanchay Me Ja-noo K Daal Dein

Ker Liya Tha Maine Ehd-e-Tark-e-Ishq

Tum ne Phir Banhein Galay Me Daal Dein

Sharam, Dehshat, Jhijhak, Pareshanii

Naaz Se Kaam Q Nahin Leiti

Aap, Woh, Ji, Magar,Ye Sab Kya Hai

Tum Mera Naam Q Nahin Leiti

(Hazrat Jaun Elia)

My First Post :)

So Here is my first post on this blog.
This blog is all about the poetry of Hazrat Jaun Elia.
I will keep posting the best ever poetry by Hazrat Jaun Elia.

So keep visiting my blog if you are crazy about the poetry of this legendary poet. :)


Charasazon Ki Chara Sazi Se Dard Badnam To Nahin Hoga..
Han Dawa Do, Magar Ye Batla Do, Mujhe Araam To Nahin Hoga..

(Jaun Elia)