Jee Hi Jee Mein

Jee Hi Jee Mein Woh Jal Rahi Hogi...
Chaandani Mein Tehal Rahi Hogi..

Chaand Ney Taan Lee Hai Chadar E Abar..
Ab Woh Kapray Badal Rahi Hogi..

Surkh Aur Sabaz Wadiyon Ki Taraf..
Woh Meray Saath Chal Rahi Hogi..

Charhatay Charhatay Kisi Pahaari Per..
Ab Woh Karvat Badal Rahi Hogi..

Pairh Ki Chaal Se Raggar Kha Ker..
Woh Tanni Se Phissal Rahi Hogi..

Ho Kay Khuwab E Aish Sey Bedaar..
Kitni Hi Dair Shall Rahi Hogi..

Khatra Hai

Aish E Umeed Hi Se Khatra Hai..
Dil Ko Ab Dil Dahi Se Khatra Hai..

Hai Kuch Aisa Kay Uski Jalwat Mein..
Hamein Apni Kami Se Khatra Hai..

Jis Ki Aghosh Ka Hoon Deewana..
Us Ki Aghosh Hi Sey Khatra Hai..

Yaad Ki Dhoop To Hai Rouz Ki Baat..
Han Mujhe Chandani Sey Khatra Hai..

Hai Ajab Kuch Muamla Dar-Paish..
Aqel Ko Aaga'ahi Sey Khatra Hai..

Sheher E Ghaddar Jaan Ley Kay Tujhe..
Aik Amroohi Sey Khatra Hai..

Main Kahoon Kis Tarhan Yeh Baat Us Sey..
Tujh Ko Janam Mujhi Sey Khatra Hai..

Aaj Bhi Aye Kanaar E Baan Mujhe
Teri Ik Sanwali Sey Khatra Hai..

In Laboun Ka Lahoo Na Pee Jaon..
Apni Tishna Labi Sey Khatra Hai..

Jaun! Hee To Hai Jaun Kay Darpay..
Meer Ko Meer Hi Sey Khatra Hai..

Ab Nahin Baat Koi Khatray Ki..
In Sabhi Ko Sabhi Sey Khatra Hai..

Kaun Sood O Ziyaan Ki Dunia Mein

Kaun Sood O Ziyaan Ki Dunia Mein

Dard E Ghurbat Ka Saath Deita Hai

Jab Muqabil Hoon Ishq Aur Daulat

Husan Daulat Ka Saath Daita Hai

Hai Faslein Utha Raha Mujh Mein

Janay Yeh Kaun Aa Raha Hai Mujh Mein

Jaun Mujhko Jala Watan Kar Key

Woh Mere Bin Bhala Raha Mujh Mein

Mujh Sey Us Sey Rehi Talaash-E-Umeed

Sau Bohot Din Chupa Raha Mujh Mein

Tha Qeemat, Sakoot Ka Ashoub

Hasher Sa Ik Bapa Raha Mujh Mein

Pas Perdah Koi Na Tha Phir Bhi

Ek Pardah Khincha Raha Mujh Mein

Mujh Mein Aa K Gira Tha Ik Zakhmi

Janey Kab Tak Parra Raha Mujh Mein

Ajab Ek Shor Sa Barpa Hai Kahin

Ajab Ek Shor Sa Barpa Hai Kahin..
Koi Khamosh Ho Gaya Hai Kahin
Hai Kuch Aesa Kay Jaisay Yeh Sab Kuch
AB Sey Pehlay Bhi Ho Chuka Hai Kahin
Jo Yahan Sey Kahin Naa Jaata Tha
Woh Yahan Sey Chala Gaya Hai Kahin
Tujh Ko Kiya Ho Gaya Kay Cheezon Ko
Kahin Rakhta Hai Dhondhta Hai Kahin
Tu Mujhay Dhoondh, Main Tujhay Dhondhoon
Koi Hum Mein Sey Reh Gaya Hai Kahin
Is Kamray Sey Ho Kay Koi Wida
Is Kamray Mein Chup Gaya Hai Kahin

Meri Masoom Ferozi

Meri Masoom Ferozi, Meri Mabooda E Jaan...
Mil Gaya Hai Mujhe Maktoob E Muhabbat Ka Jawaab
Uss Kay Andaaz E Nigaarish Sey Pareshaan Hoon Main
Wehshat Afza Hai Meray Wastay Asloob E Khitaab
Dekhna They Mujhe Sharmaye Huwey Kuch Jumley
Yeh Ahadees O Riwayaat Nahin Sun'na Theen
Dekhna Tha Mujhe Ek Jazba E Kaamil Tum Mein
Mujhko Quraan Ki Ayaat Nahin Sun'na Theen
Tum Nay Likha Hai K Tum Bhai Samjhti Ho Mujhe
Aab E Zam Zam Sey Kero Pur Na Jawaani Ka Ayaagh
Tum Ney Likha Hai K Pakeeza Muhabbat Hai Mujhe
Shamma E Kaaba Se Jalao Na Meri Shab Ka Chiraagh
Tum Ager Bhai Samajhti Ho To Yeh Bhi Likhoo
Bhai Kay Khat Bhi Chup Chup Kay Parha Kartay Hain?
Tum Agar Bhai Samjhti Ho To Yeh Bhi Batlaao..
Bhai Ka Naam Bhi Sharmaa Kay Liya Kartay Hain?
Main Nay Samjha Tha MayNaab E Takhayyul Tum Ko
Ab Yeh Taqdees E Takhhayyul To Barri Mushkil Hai..
Aao Main Tumko Batlaaon Kay Muhabbat Kiya Hai..
Hasrat E Larzish E Bay Jaa Ka Mukammal Ehsaas
Mard O Aurat Mein Meri Hoor Teray Sir Ki Kasam
Rishta E Aadam O Hawwa Kay Siwa Kuch Bhi Nahin...

Chand Asha'ar (Hazrat Jaun Elia)

yun to apne qasidaan e dil k paas
janay kis kis k liye pegham hain
jo likhey jatay rahay auron k naam
meray woh khat bhi tumhare naam hain


yeh tere khat, teri khushbu, ye tere khawab o khayal
mata e jaan hain tere qaul aur qasam ki tarah
guzashta saal inhain maine gin k rakha tha
kisi gharib ki jori huwi raqam ki tarah


kitney zalim hain, jo ye kehtey hain
tour lo phool, koi choray matt
baaghbaan hum to is khayal k hain
dekh lo phool, phool touro matt


hai muhabbat hayat ki lazzat
warna kuch lazzat e hayat nahin
kya ijaazat hai, ik baat kahoon
woh, magar khair, koi baat nahin


kisi libas ki khushbu jab urr k aati hai
tere badan ki judai bohot satati hai
tere ghulab tarastey hain teri khushbu ko
teri safaid chambeli tujhe bulati hai
tere baghair mujhe chain kaisay parta hai
mere baghair tujhe neend kaisay aati hai

Fariha Nigarina (very popular nazam)

Fariha Nigarina
tum ney mujh ko likha hai
Mere khat jala dijiye
Mujh ko fikr rehti hai
aap inhain ganwa dijiye
Aap ka koi saathi dekh ley to kiya hoga?
dekhiye mein kehti hun Yeh bohat bura hoga
Mein bhi kuch kahun tum se
Fariha Nigarina
Ay Ba'nazuki meena
itr bey naseena
rashk'e sar be seena
Mein tumharay har khat ko LOH'E DIl samajhta hun
LOH'e Dil Jala dun kia?
Jo bhi satr hai in ki
Kehkasha' hai rishton ki
Kehkasha'n luta dun kia?
Hai sawaad'e beenai inka jo bhi nukta hai
Mein usay gunwa dun kia?
jo bhi harf hai inka
naqsh'e jaa'n hai jaanana
naqsh'e jaa'n mita dun kia??
LOh'e dil jala dun kia?
kahkasha'n luta dun kia?
Naqsh'e jaa'n mita dun kia??

Mujh ko likh k khat janum
apnay dehaan mein shayd
khuwaab khuwaab jazbon k
khuwaab khuwaab lamhon mein
younhi bey khayalana jurm kar gai ho tum
aur khayal aany par US Se dar gai ho tum
JURM k tassawur mein gar yeh KHAT likhay TUM NEY
phir to meri raaiy mein JURM hi kiye tum ney
jurm! kiun kiye jayein?
jurm! kiun kiye jayein?
khat hi kiun likhey jayein...!

Ek Gali Thi, Jis Se Hum Nikley

ek gali thi jab us sey hum nikley,
aisay nikley jaisay dum nikley
koocha e aarzoo jo tha us mein
zulm-e- jaana taraa k kham nikley
jo phire dar badar yahan
woh apne ghar se bohot e kam nikley
jin se dil ka muamla tha
yahan bohot kam e aisay gham nikley
aag dil sheher mein lagi jis din
sab se aakhir mein wahan se hum niley
"Jaun" ye jo wajood hai, ye wajood
kiya banay gi, agar adam nikley


(Hazrat Jaun Elia)

Ghazal (Jab Teri Jaan Hogayi Hogi)

Jab Teri Jaan Hogayi Hogi..
Woh Jaan Heraan Hogayi Hogi..
Shab Tha Meri Nigah Ka Bojh Us Per..
Woh To Halkaan Hogayi Hogi..
Us Ki Khatir Huwa Main Khuwar Bohot..
Woh Meri Aan Hogayi Hogi..
Ho K Dushwaar Zindagi Apni..
Kitni Asaan Hogayi Hogi..
Be Gilah Hoon Main, Ab Bohot Din Sey..
Woh Pareshaan Hogayi Hogi..
Ek Haweli Thi, Dil Mohalle Me..
Ab Woh Viraan Hogayi Hogi..
Us K Koochay Mein Aayi Thi "Sheereen"..
Uski Darbaan Hogayi Hogi..
Kamsini Me Bohot Shareer Thi Woh..
Ab To Shetaan Hogayi Hogi..

(Hazrat Jaun Elia)

Ghazal (Koi Haalat Nahin, Ye Haalat Hai)

Koi Haalat Nahin Hai, Ye Haalat Hai..
Yeh To Asoob Naak Zaroorat Hai..
Anjuman Main Ye Meri Khamoshi..
Burdbari Nahin Hai, Wehshat Hai..
Tanz Pairaiye Tabassum Me...
Takhalus Ki Kiya Zaroorat Hai..
Garam joshi Is Qadar K Kiya Baat..
Kiya tumhein Mujhse koi Shikayat Hai..
Ab Tum Nikal Ao Apnay Andar Sey..
Ghar Mein Kuch Samaan Ki Zaroorat Hai..
Hum Ne Jana, To Hum Ne Ye Jana..
Jo Nahin Hai Woh Khoobsurat Hai..
Khuwahishen Dil Ka Saath Chor Gayeen..
ye Azziyat Bhi Bari Azziyat Hai..
Log Masroof Jantay Hain Mujhe..
Yahan Mera Gham E Meri Fursat Hai..
Aaj Ka Din Bhi Aish Se Guzra..
Sar Se Pair Tak Salamat Hai..

(Hazrat Jaun Elia)